Yuxarı
loading...
loading...

Xaricdən mobil telefon gətirənlər rüsum ödəyəcək

09.07.2018 23:31 Oxunma sayı: 1433


Dövlət rüsumu haqqında qanun layihəsinə dəyişiklik edilib.

Dəyişikliyə əsasən ölkəyə daxil olan mobil cihazlar dövlət qeydiyyatına alınarkən dövlət rüsumu tələb ediləcək.

Qanun layihəsi barədə millət vəkili Ziyad Səmədzadə məlumat verib.

Millət vəkili qanuna edilən dəyişikliyin əhəmiyyətindən danışıb:

“Müşahidələr göstərilir ki, mobil cihaz vasitələri şəxsi istifadə adı ilə ölkəyə gətirilir, sonra ayrı-ayrı şəxslərə satılır. Bunu müvafiq qurumların illik hesabatları da təsdiq edir. Dövlət Gömrük Komitəsinin 2017-ci il hesabatına görə, ötən il ölkəyə 800 min ədədə yaxın mobil cihaz rəsmi qaydada idxal edilib. Nəqliyyat, Rabitə və Yüksək Texnologiyalar Nazirliyinin məlumatına görə, 2.8 milyon mobil cihaz qeydiyyata alınıb. Bu rəqəmlər arasında fərq 3.6 dəfə çoxdur. Qeyri-rəsmi bazarın ümumi bazarda payı çoxdur. Bu sahədə tənzimlənməyə ehtiyac var. Artıq marka və modellərindən asılı olaraq idxal edilən telefonlara rüsum tətbiq ediləcək”.


loading...