Yuxarı
loading...
loading...

Sərdar Cəlaloğlu hökumətin gəncləşməsinə qarşı çıxdı

25.04.2018 12:14 Oxunma sayı: 1461


“Şimali Koreyanın prezidenti 22-23 yaşında hakimiyyətə gəlib, indi də dünyaya meydan oxuyur”

Prezident İlham Əliyevin hökumətin tərkibində ciddi dəyişiklik etməsi bir çox ekspertlər və ictimaiyyət nümayəndələri tərəfindən müsbət qiymətləndirildi. Bəs, ölkə müxalifətinin nümayəndələri necə, bu təyinatlar barəsində nə düşünürlər?

Ağ Partiyanın lideri Tural Abbaslı bildirdi ki, indidən konkret fikir söyləmək çətindir: “Bu təyinatlara iki-üç aspektdən baxmaq lazımdır. Gəncləşdirmə baxımdan bu kabinetin tərkibinə baxsaq görərik ki, xeyli irəliləyiş var. Bu, sevindirici haldır. Belə bir təyinatı müsbət hal kimi qiymətləndirirəm. Ancaq, təbii ki, bu təyinatların nə nəticə verəcəyi onların fəaliyyətlərindən asılıdır. Nəzərə alsaq ki, nazirlərin, demək olar ki, heç bir müstəqil qərar vermə və siyasət yürütmə hüquqları yoxdur. Onların hamısı birbaşa birinci şəxsdən asılıdır. Ona görə də onların necə işləməsi prezidentin iradəsindən asılı olacaq. Əgər bu insanlar yenə də dünənə kimi olan sistemlə davam edəcəklərsə, fərq etməyəcək ki, postda oturanların yaşı neçədir.

Tural Abbaslı ile ilgili görsel sonucu

Çox istərdim ki, təyinatlarda adlar, yaşlar dəyişdiyi kimi, xalqla hakimiyyət arasındakı münasibətlər də yenilənsin. Bundan öncə də zamanına görə gənc adlar nazir təyin olunmuşdu və gördük ki, heç nə dəyişmədi. Ümid edirəm ki, yeni kabinet daha uğurlu olar və hakimiyyət də öz siyasi xəttini xalqa yönəlik siyasi xətt tutar”.

Ä°lgili resim

ADP sədri Sərdar Cəlaloğlu isə hesab edir ki, gənclərin hakimiyyətə gətirilməsi əslində problemlər yarada bilər: “Faktiki olaraq ciddi heç bir dəyişiklik baş vermədi. Kadrların yerdəyişməsi ciddi dəyişiklik üçün zəmin yaratmır. Görünür, bu, ölkə ətrafında beynəlxalq situasiya ilə bağlıdır. Gənclərə gəlincə isə, dünyada bir neçə gənc lider var ki, hər kəsin başına bəladır. Şimali Koreyanın prezidenti 22-23 yaşında hakimiyyətə gəlib, bu gün də dünyaya meydan oxuyur. Bəşər Əsəd də 26 yaşında hakimiyyətə gəlib, bu gün törətdikləri göz önündədir. Siyasət 60-70 yaşlı insanların məşğuliyyət sahəsidir. Ona görə hansısa gəncin hakimiyyətə gətirilməsini müsbət qiymətləndirmirəm”.

REAL Partiyasının İdarə Heyətinin üzvü Natiq Cəfərli ile ilgili görsel sonucu

REAL Partiyasının İdarə Heyətinin üzvü Natiq Cəfərli bildirib ki, son 15 ili nəzərə alsaq ən köklü dəyişikliklər məhz bu il baş verdi: “Həm Nazirlər Kabinetində, həm də dövlət komitələrinin rəhbərliyinə gözlənilməz təyinatlar da oldu. İdarəetmə sistemində dəyişiklik olacaq, ya yox, bu sual açıq qalıb. Yəni səlahiyyətlərin və məsuliyyətlərin bölgüsü prinsipi, çox təəssüf ki, hələ formalaşmayıb. Yeni təyin olunan şəxslər arasında savadlı isimlər var. Yeni kadrların hansı formada işləyəcəyi böyük maraq yaradıb. Əgər köhnə sistemdə işləyəcəklərsə, o zaman bunun ciddi effekt verəcəyini düşünmək olmaz. Buraxılan səhvlərə, həmin sahədəki problemlərə görə birbaşa məsuliyyət yer alacaqsa, ən azından bunda ciddi dəyişikliklərin effektiv olacağını görə bilərik”.

KXCP sədrinin müavini Xəzər Teyyublu ile ilgili görsel sonucu

KXCP sədrinin müavini Xəzər Teyyublu düşünür ki, kadr təyinatı cəmiyyət tərəfindən çox yaxından izlənilir: “Kadr siyasətini kafi qiymətləndirirəm. Ölkədə proporsional seçki sistemi mövcud deyil. Parlament üsul-idarəsi olsaydı, siyasi partiyaların Azərbaycan hakimiyyəti uğrunda mübarizəsinin effekti olardı. Bu isə cəmiyyətimiz üçün fayda verərdi. Bu gün isə tək partiya hakimiyyətdədir. Onlar kimi təyin edirsə, özlərinə daha çox bəllidir. Düşünürəm ki, cəmiyyətdə də biganəlik hökm sürür. Cüzi dəyişikliklər oldu ki, bu da düşünürəm ki, Azərbaycanda hansısa inkişafın olacağına gətirib çıxarmayacaq”.


loading...