Yuxarı
loading...
loading...

Bakıda otellərin qiyməti ucuzlaşdı

19.03.2018 13:15 Oxunma sayı: 1223


Bakıda hər il Novruz bayramı ərəfəsində otellər qiymətlərini qaldırsalar da, bu il qiymətlərini 20 faiz ucuzlaşdırıblar.

Bunu Azərbaycan Turizm Assosiasiyasının (AzTA) sədri Nahid Bağırov deyib.

N.Bağırovun sözlərinə görə, təxminən 10-15 gün əvvəl otellərdə qiymətlər baha olsa da, artıq qiymətlər ucuşlaşdırılıb.

Assosiasiya sədri bunun səbəbini bu il İrandan gələcək turistlərin sayında azalmanın olacağı ilə izah edib: “Bu il İrandan böyük turist axını gözlənilirdi. Lakin görəndə ki, bu axın azalıb, otellər qiymətlərini endirdilər”.

Otellərin hazırkı qiymətlərini normal sayan N.Bağırov bu ucuzlaşmanın Bakıdakı bütün otellərdə tətbiq edildiyini söyləyib.

N.Bağırov qeyd edib ki, dünya praktikasına görə, adətən, Yeni il bayramı və digər bayram günlərində bütün ölkələrdə, böyük miqyaslı beynəlxalq tədbirlər keçirilən zaman həmin tədbirin keçirildiyi ölkədəki otellər qiymətlərini qaldırırlar: “Ötən il Novruz bayramı günlərində Azərbaycana çox sayda turist gəlmişdi. Ona görə də otellər Novruz bayramı ərəfəsində qiymətlərini qaldırmışdılar. Lakin bu il təxminən 10-15 gün əvvəl otellər qiymətlərini normal qiymətə salıblar”.


loading...