Yuxarı
loading...
loading...

Əsəd ordusu İŞİD-in nəzarətindəki son bölgəyə girdi

17.11.2017 19:49 Oxunma sayı: 2159


Bu gün səhər saatlarında İraq silahlı qüvvələri İŞİD-in nəzarətindəki son bölgə olan Ravaya üç istiqamətdən hücuma keçib.

Hökumət qoşunlarının və yerli tayfalardan olan döyüşçülərin apardığı əməliyyata koalisiya təyyarələri havadan dəstək verir.

İraqın qərbində yerləşən Rava 2014-cü ildən İŞİD-in əlində saxladığı son bölgə hesab olunur. Noyabrın 3-də ordu bölmələri və şiə könüllüləri Ravanın yaxınlığında yerləşən Əl-Qaim inzibati dairəsini nəzarətə götürmüşdülər. İraqın baş naziri Heydər əl-Abadi Rava və Əl-Qaim şəhərlərini terrorçuların ölkədəki son dayaq məntəqələri adlandırıb. Bu ərazilər Suriya ilə sərhədin yaxınlığında yerləşir.

Başda ABŞ olmaqla, beynəlxalq koalisiyanın hesablamasına görə, terrorçular Suriya və İraqda ələ keçirdikləri ərazilərin 95 faizini itiriblər. İŞİD “xilafəti”nin mövcudluğuna isə ilin sonunadək son qoyulacaq.


loading...