Yuxarı
loading...
loading...

Azərbaycanda valyuta hərraclarının sayı artırılacaq

12.01.2017 09:23 Oxunma sayı: 1210


Azərbaycan Mərkəzi Bankı (AMB) valyuta hərraclarının keçirilmə prinsiplərində dəyişikliklər edib.

millixeber.com bank dairələrindəki mənbələrə istinadən xəbər verir ki, bundan sonra hərraclar həftədə iki dəfə deyil, üç dəfə keçiriləcək.
 
Hərracların keçirilmə qaydasında da dəyişikliklərin olduğu bildirilir. Mənbə dəyişikliklər barədə ətraflı məlumat verməsə də, bildirib ki, bu hərraclar bazar şərtlərinə daha yaxın formada keçiriləcək.
 
Qeyd edək ki, bu, manatın  tam üzən məzənnə rejiminə keçidi çərçivəsində həyata keçiriləcək tədbirlər sırasındadır. Bu məsələ dünən bank rəhbərləri ilə keçirilən iclasın əsas mövzusu olub.
 
Tam üzən məzənnə rejiminə keçidin, eləcə də dörd faizlik marjanın götürülməsinin tarixləri isə açıqlanmayıb.

loading...