Yuxarı
loading...
loading...

“Gross” mağazalar şəbəkəsinin rəhbərliyi müştərini hədələdi

09.01.2017 17:46 Oxunma sayı: 1259


Uduş kampaniyasında fırıldaq.

"Gross" super marketlər şəbəkəsi müştərilərə kələk gəlib.
 
Paytaxt Bakıda 10-dan çox marketə sahib olan "Gross" şəbəkəsi 2016-cı ilin dekabrın 1-dən müştəriləri üçün uduş kampaniyası keçirib. Belə ki, marketlər şəbəkəsinin keçirdiyi uduş kampaniyasında müxtəlif məişət cihazları və super priz olaraq 7 kq-lıq "Beko" paltaryuyan maşın qoyulubmuş. Müştərilərin uduş kampaniyasında iştirakı üçün əsas şərt 30 manatlıq alış-verişin müqabilində bir kuponun verilməsi olub. "Beko" paltaryuyan maşını udmaq üçün isə 50 kupon, yəni minimum 1500 - 2000 manat arasında alverin edilməsi əsas şərt kimi qoyulur.
 
Uduşlar dekabrın 28-dən yanvarın 5-nə qədər verilməli imiş. 50 kuponu Gross" mağazalar şəbəkəsinin Zabrat-2-dəki marketinə təqdim edən Royal  Məmmədova "sürpriz" edilib. AzToday.az-a daxil olan şikayətdə bildirilir ki, Royal Məmmədova "Beko" əvəzinə kiçik həcmli və Çin istehsalı olan paltaryuyan maşın hədiyyə kimi verilib. Buna etiraz edən müştəriyə isə mağazanın satış meneceri Rovşən adlı şəxs tərəfindən hədə qorxu gəlinib. Hədə qorxuya "Gross" mağazalar şəbəkəsinin mudiri Ədalət Qasımov da qoşularaq Royal Məmmədova "ağıllı" olmağı tapşırılıb.
 
Royal Məmmədov ona edilən hədə-qorxu ilə əlaqədar 102 xidmətinə müraciət edib. Vətəndaşın şikayəti əsasında Sabunçu rayon 15-ci polis bölməsində araşdırmalara başlanılıb.

loading...